OS CONTOS DE TERROR DO MONTE CASTELO

 Nesta avaliación o alumnado do I.E.S. Monte Castelo participou no concurso de Contos de Terror con grande éxito. 

Aquí unha mostra destes terroríficos textos: 

           

GAÑADOR: O ciclo da sopa roto 

Espertei outro día máis na escuridade na que levaba anos, con cadeas nos meus brazos, sentado nunha incómoda cadeira de madeira no centro da sala, cos pés descalzos e roupa rota, cunha goteira que fai caer gotas ritmicamente na miña frente, e como sempre o home de todos os días baixou cun prato de sopa, exactamente igual que habitualmente desde que me meteu na súa habitación subterránea. Pasei o día mirando á parede, cansado de intentar fuxir. E como de costume adormecín, espertei outro día máis na escuridade na que levaba anos, con cadeas nos meus brazos, sentado nunha incómoda cadeira de madeira no centro da sala, cos pés descalzos e roupa rota, cunha goteira que fai caer gotas ritmicamente na miña frente, pero esta vez rompendo o ciclo, o home de todos os días non baixou cun prato de sopa.

                                                                                    Manuel Montero Gradaílle 2º ESO A

PANDAS TI !

    Os pais de Lois mercaron unha casa que daba arrepíos. Estaba no cumio dunha montaña e a historia daquela casa era terrorífica. Había dez anos que un neno chamado Xosé desaparecera na súa habitación.

     A habitación de Lois era enorme, tiña unhas grandes fiestras e uns armarios que parecían labirintos por dentro. A primeira noite unha voz que o chamaba despertouno, ergueuse e asomouse á fiestra. De súpeto o cristal empanouse e veuse como se alguén escribira as palabras; “ agora tócache a ti “. Lois meteuse na cama e tapouse ata a cabeza. A segunda noite a mesma voz despertouno e Lois abriu a porta do armario. Había néboa dentro e oíase a voz dun neno contando; “ un, dous, tres,...” e de súpeto unha voz detrás del di; “ tócache pandar “ e empurrouno dentro do armario.

              Nunca máis se volveu saber de Lois.

                                                                                            Diego Anello 2º ESO A

                    UN ESPERTAR MOI ESTRAÑO

Un día, espertei nunha sala onde non había ninguén. Levanteime intentando atopar respostas. Non as atopei. Non sabía onde estaba.

Berrei con todas as miñas forzas para que alguén me escoitase e me axudase. Entón, escoitei uns berros, era unha muller que tamén pedía axuda.

Onde estabamos? Que estaba a ocorrer? Quen nos metera alí?.

De súpeto a voz da muller estaba máis preto, cada vez máis preto. Axúdame, por favor! Sácame de aquí!

 Nese mesmo intre vin unha sombra ó lonxe. Era a muller, alegreime...escapariamos xuntos. O irse achegando, notei algo raro, estremecín. Comencei a suar, un suor frío. O darme a volta, deime conta de que aquilo non era unha muller! era a morte en persoa! Viña a por min! Non tiña escapatoria.

                                NEREA GÓMEZ LESTEGÁS 2 ESO A

AS PANTASMAS

Durante a feira da cidade, todos os nenos visitaban unha atracción que se coñecía como A Casa do Terror. Un grupo de rapaces subiron nas vagonetas da cova das pantasmas, pero cando saíron levaron unha decepción, era coma un parque infantil.

Dous días despois sucedeu unha catástrofe, os mozos que estiveran visitando esa atracción perderan a vida nun accidente de moto. Esa mesma noite, o presentador das noticias deu a alarma de que uns seres estraños andaban a espantar a xente da cidade, tratábase das pantasmas dos rapaces! Dende ese momento, ninguén se volveu a achegar á cova das pantasmas, porque dicían que estaba enmeigada. As pantasmas converteran aquela atracción nun camiño sen saída...

E din que aínda hai xente que pensa que andan vagando pola cidade o día da feira.

                                                                                                

                        Erín Agustí López 1º ESO B