De Nós a Nós

 Hai uns días tiñamos organizada unha experiencia que consideramos que podería ser moi proveitosa para o alumnado: a visita virtual á exposición Galicia, de Nós a nós. 

Esta mostra reunía na Cidade da Cultura máis de 300 pezas na exposición  máis completa e ambiciosa sobre a Xeración Nós. Converteuse, sen dúbida, nunha visita imprescindible deste tan inusual outono, en que se conmemora o centenario da publicación da revista Nós. 

Porén, non sempre se cumpren as expectativas e así nolo fixo saber o alumnado: 

Na miña opinión, a conferencia foi moi distinta ás expectativas que tiña; eu pensaba que iamos poder ver a exposición a través da videoconferencia e, a realidade foi que tivemos una especie de charla e non puidemos ver a exposición, que era o que realmente me interesaba. Aínda así, non estivo mal xa que tivemos a oportunidade de respasar unha vez máis a historia da orixe do Grupo Nós.

En conclusión, a actividade foi produtiva pero non se lle sacou todo o proveito que se lle podía sacar á exposición.

                                                    Paula Pernas Dayán 4°ESO A

Agardamos acertar en próximas iniciativas que nos gustarían poder levar a cabo in situ. Pero sempre quedará o bo labor desta grande xeración: Nós!